isnab

Pagmata ko sa aga

Sabay sa pagsirang kan saldang

Masupsop kape

Mahungit maluto

Makarigos.

Marikas an sakong hiro

Dai malapag kan su ido

Gari baga huring aldaw na

Kan mga santo sa Mabolo.

Nainot pa ‘ko sa padyak

Pagkabagulbulan magpidal

Sinabat ako kan si gwardiya

Mala, ID ko nawalat.

Pag-abot na gayo sa klasrum

Sa taid mo tuminukaw

An hangos hararum

Habo lamang mapurisaw.

Su mga tawo sa palibot mi

Garo mga burak na nagbabarayli

Puso ko nag-aawit

Minamawot si-mong ngirit.

Haloy bago ko naisihan

Ika palan ma’ man pakiaram

Labot mo man sa mga burak

Kun puso mo igwa nang pasak.